აი,დასრულდა ევროპის შესარჩევი მატჩი საბერძნეთისა და საქართველოს ეროვნულ ნაკრებებს შორის.პირველი ტაიმის მოგების შემდეგ,მეორე ნახევარში ჩვენდა სამწუხაროდ მასპინძლებმა "სტუმართმოყვარეობა" ბოლომდე ვერ გამოიჩინეს და ერთი გოლი გაგვიტანეს.თუმცა ეს არც ქვეყნის დასალიერია და არც იმის მანიშნებელი,რომ თავზე ცა დაგვემხო. პირიქით,თემურ ქეცბაიას ოფიციალური დებიუტი შედგა.მართალია,პირველი ტაიმის შემდეგ მეორე ნახევარსაც შესაბამის მოველოდით,თუმცა ბიჭები მაქსიმალურად ცდილობდნენ და ბოლო წუთებზე ნათლად დავინახეთ,რომ თემურს სავსებით კარგ შედეგად მიაჩნდა გასვლაზე ნათამაშევი ფრე.
მინდა აღვნიშნო,რომ ერთსულოვნება და გუნდურობა კარგა ხანია არ მინახავს.არ მინახავს ჟინი ჩვენს ბიჭებში,რაც დღეს თამაშის ბოლო წუთამდე გააჩნდათ.როგორ იცავდა ასათიანი კარებს,რამდენჯერ "ჩაუწვა" ანანიძე ბურთის ასართმევად მეტოქეს..გოგუას და სრულიად მთელი გუნდის განწირული თამაში ბურთის მოსაპოვებლად ერთობ კარგი სანახავი იყო.
იყო ბევრი შეცდომა რასაც ვიმედოვნებთ,რომ 7 სექტემბერს აღარ ვნახავთ.ისრაელის წინააღმდეგ მატჩში სახლისა და მეთორმეტე მოთამაშის ფაქტორი უნდა დაეხმაროს ჩვენს ნაკრებს გამარჯვების მიღწევაში.
არ მინდა იმ ადამიანად ჩამთვალოთ,რომელსაც მხოლოდ ერთი კარგი თამაშის სჯერა და ადვილად ივიწყებს წინა სეზონში ნაგემ ტკივილსა და მარცხს.არა,უბრალოდ ოპტიმისტურად ვარ განწყობილი ქართული ფეხბურთისადმი და ეს დღესაც დამტკიცდა.გუნდში ახალი სული და ერთი იდეა ტრიალებს,ეს კარგი თამაშია.კარგ თამაშს კი ყველა მივესალმებით...
სრულად ნახვა
